Izisebenzi zikahulumende zithi ziyaqhubeka ngokukhalala umsebenzi ngoba uhulumende ehlulekile ngoLwesithathu ukukhuphula iholo lazo ngendlela eziyifunayo.
Umnu. Sifiso Ndlovu okunhlanganiso emele izisebenzi zikahulumende iApex Council utshele iStudio 7 ukuthi uhulumende uthembise ukukhuphula iholo lesisebenzi esihola imali ephansi ngamatshumi amane amadollar emelika.
UNdlovu uthi lokhu kuzondise izisebenzi ezifuna ukuthi isisebenzi esiholo imali ephansi sithole amakhulu edlula amanhlanu amadollar eMelika ngenyanga.
Okwamanje izisebenzi lezi zithola amakhulu amabili amadollar eMelika ngenyanga.
Izisebenzi lezi zikhalale umsebenzi ngoMvulo kulandela ukwehluleka kukahulumende ukukhuphula iholo lazo.
