Izakhamizi zemadolobheni anjenge Harare lako Bulawayo sezikhale zoma ngenxa yokuganyulelwa izilimo yiziphathamandla ezithi izilimo lezi zihlanyelwa endaweni ezingekho emthethweni.
Izakhamizi zikhala ngokuthi zizama ukuziphilisa kuthi-ke iziphathamandla zitshaya phansi ngenduku zisithi ukulima endaweni ezingavunyelwayo kwenza ukuthi umhlabathi ugugudeke ngamandla.
Amadolobho la alemithetho ekhangelane lokugugudeka komhlabathi eyasungulwa esakhiwa. Kwesinye isikhathi imthetho le iyabekwa eceleni ukwenzela ukusuthisa abezombusazwe.
Ukuhlaziya loludaba uGibbs Dube oweStudio 7 uxoxe lo Mayor wedolobho lako Bulawayo uMnu. Thaba Patrick Moyo lesikhulumeli se Bulawayo Progressive Residents Association Umnu. Roerick Fayayo abathe uzulu kumele afundiswe ukuthi kumele ahlanyele njani izilimo ukwenzela ukuthi zingaganyulwa yiziphathamandla zamadolobho.
