Ibandla le ZANU-PF lithi lizabamba ngamandla umphathintambo wezemali uMnu. Tendai Biti ukuthi enze iSupplementary Budget yokungezelela iholo lezisebenzi.
Ibandla leli libikwa lisekelwa ekwenzeni lokhu nguMongameli Robert Mugabe labasekeli bonke be ZANU-PF abethesa uMnu. Biti umlandu wokwehluleka ukukhuphula iholo lezisebenzi.
Ibandla le ZANU-PF libikwa lisithi ele Zimbabwe lilenotho enengi eyenela ukubhadalela indleko engadalwa yikwengezelela iholo lezisebenzi.
Kodwa-ke ingcwethi zenotho zithi loba ele Zimbabwe lilenotho emangalisayo, akukhanyi ukuthi imali evela emsebenzini wezemigodi efana lokwemba amadayimana iyangaphi.
Umqondisi we Zimbabwe Teachers Association uMnu. Sifiso Ndlovu uthi kumele uhulumende adinge imali ngamehlo abomvu yokukhuphula iholo lezisebenzi.
