WASHINGTON DC —
Uhlangothi olubona ngezeziphepheli enhlanganisweni yomanyano wamazwe womhlaba eye United Nations High Commission for Refugees, ithi inani leziphepheli ledlule izigidi ezingamatshumi amahlanu – 51 million nyakenye.
Uhlangothi lolu lwethule umbiko wokunanza ilanga leziphepheli emhlabeni jikelele eleWorld Refugee Day lamuhla, lusithi inani leli ledlula elomnyaka ka2012 eledlule kancance izigidi ezingamatshumi amane lanhlanu – 45.2 million.
Lokhu kubikwa kubangelwe yizimpi zomvukela kweleSyria, Central African Republic le South Sudan. Umqondisi wohlangothi lolu, uMnu. Antonio Guterres, uthi kumele inkokheli yamazwe womhlaba ihlale phansi ilungise ezombusazwe njengoba kukhanya kulokulwisana okungapheliyo phakathi kukazulu emazweni atshiyeneyo.
Isihloko sokunanza ilanga leli lonyaka sithi ‘One family torn apart by war is too many’. EleZimbabwe libhekane leziphepheli ezivela emazweni anjenge Somalia okulomvukela omangalisayo. Iziphepheli lezi ziyabe zidinga ukufihla amakhanda, ikakhulu eSouth Africa.
Zinengi njalo iziphepheli zeZimbabwe ezigcwele emazweni anjenge South Africa, Australia, Britain leUnited States.
UMnumzana Dumaphi Mema yisiphathamandla senhlanganiso ekhangelane leziphepheli zaseZimbabwe ezihlala kweleMelika eye Association of Zimbabweans Based Abroad. UMema ohlala eMelika uxoxa ngodaba lolu lweziphepheli zeZimbabwe esezisabalele umhlaba wonke,loGibbs Dube weStudio 7.
Uhlangothi lolu lwethule umbiko wokunanza ilanga leziphepheli emhlabeni jikelele eleWorld Refugee Day lamuhla, lusithi inani leli ledlula elomnyaka ka2012 eledlule kancance izigidi ezingamatshumi amane lanhlanu – 45.2 million.
Lokhu kubikwa kubangelwe yizimpi zomvukela kweleSyria, Central African Republic le South Sudan. Umqondisi wohlangothi lolu, uMnu. Antonio Guterres, uthi kumele inkokheli yamazwe womhlaba ihlale phansi ilungise ezombusazwe njengoba kukhanya kulokulwisana okungapheliyo phakathi kukazulu emazweni atshiyeneyo.
Isihloko sokunanza ilanga leli lonyaka sithi ‘One family torn apart by war is too many’. EleZimbabwe libhekane leziphepheli ezivela emazweni anjenge Somalia okulomvukela omangalisayo. Iziphepheli lezi ziyabe zidinga ukufihla amakhanda, ikakhulu eSouth Africa.
Zinengi njalo iziphepheli zeZimbabwe ezigcwele emazweni anjenge South Africa, Australia, Britain leUnited States.
UMnumzana Dumaphi Mema yisiphathamandla senhlanganiso ekhangelane leziphepheli zaseZimbabwe ezihlala kweleMelika eye Association of Zimbabweans Based Abroad. UMema ohlala eMelika uxoxa ngodaba lolu lweziphepheli zeZimbabwe esezisabalele umhlaba wonke,loGibbs Dube weStudio 7.