Kuqhubekela Phambili Ukufuthelana Phakathi kweAfrican Union leEuropean Union

WASHINGTON DC —  Lokhe kuqhubekela phambili ukufuthelana phakathi kwenhlanganiso ze African Union le European Union kulandela ukwala kwe E-U ukunxusa ezinye inhloko zamazwe okumele zibesemhlanganweni omkhulu ongenwa yinkhokheli yamazwe angamalunga enhlanganiso lezi ngeviki ezayo.

Inhlanganiso ye A-U ikhuthaza amalunga ayo ukuba angayi emhlanganweni lo akhalale etshengisela ukukhonana kwawo ngoba kunganxuswanga inkokheli yamazwe abalisa iSudan, Eritria le Saharawi Arab Democratic Republic.

IAfrican Union ikhonona njalo ngokuthi kunxuswe iziphathamandla zelizwe le Egypt ezagenqula uhulumende owakhethwa nguzulu kwaphinda kwathsiywa phandle njalo uNkosikazi Grace Mugabe, umkaMongameli weZimbabwe.

Abe AU bathi ukubandlula lokhu okwenziwa ngabeE-U akulunganga njengoba kutshengisa ukuthi bakhona ababazondayo phakathi kwamalunga abo kube njalo lalabo ababathi ngabangani babo okumele baye emhlanganweni lo.

Lumhlangano ukhangelelwe ukuhlaziwa ezombusazwe lezenotho emazweni aphansi kwe E-U langamalunga awe African Union.

Ingcwethi kwezombusazwe Umnu. Nkululeko Sibanda uthi okumangalisayo yikuthi iAU ikhala ngokuthi uNkosikazi Mugabe kaphiwanga imvumo yokuya emhlanganweni lo lomkakhe.

Udaba Lokufuthelana Phakathi kweAU leEU