Uhulumende we Zimbabwe ukhangelelwe ukwenza umhlangano omkhulu kusasa eHarare owokudinga amankampani emazweni angavula amafekithali eZimbabwe.
Umongameli Robert Mugabe ukhangelelwe ukuthi uzavula lumhlangano oqoqwe yinhlanganiso ye Euromoney eyaziwa ngokukhalipha kwezamabhizimusi.
Inhloko kahulumende uMnu. Morgan Tsvangirai lomsekeli wakhe uMnu. Arthur Mutambara bazethula imbiko eqakathekileyo kahulumende emhlanganweni lo ophela ngoLwesithathu.
Osomabhizimusi bemazweni labe Zimbabwe, iziphathamandla zikahulumende labenhlanganiso ezizimeleyo bakhangelelwe ukuthi bazanika imbono yabo ejulileyo ngomumo wezenotho lezombusazwe eZimbabwe.
Lumhlangano uzahluza okuphathelene lokuvula amankampani eZimbabwe, uhlelo lokwabelana amashares amankampani olwe indigenization kanye lezombangazwe.
Ingcwethi kwezenotho uMnu. Masimba Kuchera uthi umhlangano lo ulakho ukulungisa okuhlupha osomabhizimusi bemazweni abangafuniyo ukuvula amafekithali eZimbabwe.
