UMongameli Robert Mugabe uthi nxa amazwe angentshonalanga engesulanga izijeziso zenotho ezafakelwa abebandla lakhe, ele Zimbabwe selizaqalisa ukuthatha amankampani abamhlophe abadabuka kulawo mazwe.
UMugabe ubikwa etshele abakade besemhlanganweni omkhulu we ZANU PF Congress eMutare ukuthi amankampani azathathelwa inzalo yentshonalanga nganjenge migodi lalawo amakhulu asemadolobheni.
Limbiko ithi kusobala ukuthi amankampani la kawasoze athathwe kusetshenziswa umthetho we Indigenization.
Ibandla le Zanu PF lilakho ukuthatha amankampani la ngodlakela njengalokho okwenzakala kuthathelwa abamhlophe amapulazi. Isikhulumeli sebandla leli uMnu. Rugare Gumbo utshele iStudio 7 ukuthi abamhlophe abazathathelwa amankampani yinzalo ye Melika le Bhilithane.
