Umkambo wemali we Zimbabwe Stock Exchange wehlelwe luhlupho lokwehla komsebenzi wokuthenga lokuthengiselana ama shares ngolweSibili, amankampani ekhala ngokuphazamiswa yikuqala ukusebenza komthetho we indigenization.
Ingcwethi ezicubungula ezenotho zithi umsebenzi womkambo lo uveze umehluko omkhulu ekuthengisweni lokuthengwa kwama shares langoLwesithathu.
Ngelanga kube kuthengwa lokuthengiswa amashares abiza izigidi ezimbili zamadollar eMelika (US$2 million) kodwa khathesi sokuyisigidi lenxenye (US$1,5 million) kuphela.
UMnumzana Rejoice Ngwenya ingcwethi ecubungula ezenotho utshele u Gibbs Dube we Studio 7 ukuthi akumangalisi ukuthi amashares la awe emkambo we mali ngoba umthetho we indigenization wethusa abafuna ukuvula amankampani e Zimbabwe.
