Inhlanganiso yezisebenzi iZimbabwe Congress of Trade Unions (ZCTU) ithi kumele kuxotshwe abaqondisi be Air Zimbabwe ukuze kulungiswe okuhlupha abatshayeli bendizamtshina abakhalala umsebenzi kusukela ngeviki ephelileyo bekhonona ngeholo.
Umsekeli kaNobhala Jikelele we ZCTU uMnu. Japhet Moyo uthi inhlanganiso yakhe ibe lomhlangano lezisebenzi ze Air Zimbabwe ezithi akuxotshwe abaqondisi laba abagoqela uMnu. Jonathan Kadzura.
UMoyo uthi udubo lwe Air Zimbabwe lapho abaqondisi abathi abalamali yokwengezelela iholo lezisebenzi lama allowances, luyafana lolutholakala kumankampani wonke kahulumende.
Uphinde wathi uhulumende kaxotshe abaqondisi be Air Zimbabwe labanye njalo abehluleka ukuqhuba umsebenzi ngemfanelo abakumankampani kahulumende.
