Ele Zimbabwe lithi kalilamali yokubhadalela indizamtshina ye Air Zimbabwe ebanjwe yinkampani yeMelika eye American General Supplies ngoMvulo eLondon ngenxa yokwehluleka ukubhadala isikwelede sensimbi zokuvuselela indizamtshina ezathengiselwa iAir Zimbabwe lonyaka lanyakenye.
Abaqondisi be Air Zimbabwe babkwa becele imali kuhulumende kodwa iziphathamandla zogatsha lwezemali luthi akulamali enganikwa inkampani le ukuthi ihlenge indizamtshina yohlobo lwe Boeing 767-200 elokhe ibanjwe yi General Supplies egcekeni lendizamtshina ele Gatwick International Airport kwele Bhilithane.
Idale le Cabinet libikwa lalo likhangelelwe ukuthi lihlafune loludaba indizamtshina le ingakathengiswa.
Inkampani ye American General Supplies ifuna kubhadalwe isikwelede lesi esedlula kancane isigidi samadola eMelika kunsukwana ezilandelayo.
Unkosazana Dorcas Vodloza Sibanda okukhomithi yedale lephalamende ebona ngezemali uthi uhulumende akumelanga abhadale izikwelede ezinje ngemali kazulu.
