Umongameli Robert Mugabe, inhloko kahulumende uMnu. Morgan Tsvangirai lomsekeli wakhe uMnu. Arthur Mutambara sebethethe isinqumo sokuthi idale lephalamende akumelanga libhadale amalunga ephalamende ama allowances okuyahlafuna okutshiyeneyo kulelodale.
Kubikwa ukuthi amalunga la bekumele abhadalwe inkulungwane ezinhlanu kusiya kunkulungwane ezingamatshumi amane zamadollar eMelika elokhe ingakabhadalwa kusukela ngomnyaka ka 2008.
Umongameli Mugabe, uMnu. Tsvangirai kanye lo Mnu. Mutambara kabatshongo ukuthi bakwenzeleni lokhu loba nje abazi ngokwenzakalayo besithi kungenxa yokuthi uhulumende kalamali.
Kubikwa ukuthi amalunga ephalamende aphose atshaya abameli babo abathi uMnu. Joram Gumbo webandla le ZANU PF, uMnu. Innocenet Gonese kanye lo Mnu. Edward Mkhosi bamabandla eMovement for Democratic Change.
Kasenelisanga ukukhuluma lamalunga ephalamende.
Umnu. George Mkhwanazi, ingcwethi kwezombusazwe ezimele yodwa uthi okwenziwe nguMongameli Mugabe, uMnu. Tsvangirai lo Mnu. Mutambara yinsinda baphenduli.
