Umphathintambo wezamafekithali uMnu. Welshman Ncube ukhangelelwe ukwethekelela amafekithali okumele avalwe koBulawayo ayevulwa eHarare.
UNcube ubikwa ekhangelelwe ukuyahlolisisa ukuvalwa kwamafekithali elabaqondisi be Hunyani Printopak, Cotton Printers kanye le National Foods.
Loba singenelisanga ukuthola uMnu. Ncube ukuthi achasise okunengi ngalokho azakwenza, uzwakala ezama ukudinga indlela zokuvimba lokhu kanti njalo lokuthi lamafekithali la angancedwa ngaiphi ndlela ukwenzela ukuthi alungise impahla etshiyeneyo ekoBulawayo hatshi ukuthuthela eHarare.
Umqondisi we Zimbabwe Liberators Peace Initiative Trust uMnu. Max Mnkandla uthi uMnu. Ncube kumele asebenze ngamandla ukwenzela ukuthi amafekithali la angavalwa.
