Umphathintambo wezemali uMnu. Tendai Biti uthi angeke angezelele iholo lezisebenzi zikahulumende nxa kungaxotshwanga izisebenzi ezedlula inkulungwane ezingamatshumi ayisikhombisa ezingaqhatshwanga okusemthethweni.
UBiti ubikwa etshaya phansi ngenduku esithi njalo kumele kukhanye ukuthi imali yamadayimana embiwa eMarange isetshenziswa njani engakakhuphuli iholo lezisebenzi njengalokho okwathenjiswa nguMongameli Robert Mugabe ngoMabasa.
UBiti uthi uhulumende kalamali njengoba okutholakala emithelweni ehlukeneyo ngenyanga kulokhe kusiba kulutshwana.
Loba esitsho njalo, inhlanganiso yebamele ababalisi eye Progressive Teachers Union of Zimbabwe ithi izisebenzi zikahulumende kumele zikhalale umsebenzi ngoLwesithathu nxa kungela holo elikhuphukileyo elifakwe emholweni wabo ngoLwesibili.
Kodwa-ke umqondisi weyinye inhlanganiso emele ababalisi eye Zimbabwe Teachers Association uMnu. Sifiso Ndlovu uthi abalandeli benhlanganiso le kabasoze bakhalale umsebenzi ngoLwesithathu.
