Uzulu ukhala ngokukhuphuka kwentengo yemphahla etshiyeneyo ikakhulu eyokudla osekusenza ukuthi abantu makhaza bengenelisi ukuthola ukudla okwaneleyo ngelanga.
Abantu abakhulume le Studio 7 bathi ukukhuphuka kwentengo yokudla okunjenge tshukela, impuphu, uchago kanye lamafutha okupheka, kuzwisa ubuhlungu ngoba besekulethemba lokuthi abantu bazaphila ngcono njengoba kusetshenziswa imali zamanye amazwe.
Ingcwethi zenotho zithi ukukhuphuka kwentengo yokudla kanye lempahla kwenziwa yikuqansa kwentengo yamafutha ezimota.
UMnu. Sibasa Tshuma wako Bulawayo uthi abantu sebedubeka ngenxa yokukhuphuka kwentengo yokudla lempahla.
Isakhamuzi seMaphisa uMnu. Levy Mlilo uthi abantu badla inqweqwe zomlomo njengoba osomabhizimusi besenza santando.
UMlilo uthi uzulu uzahlupheka okwamagama ngesikhathi sekhisimusi lonyaka.
