Abantu abahlala esigodlweni seMelika, iWashington D-C, bakhangelelwe ukuqalisa ukubhema imbanje okusemthethweni kusukele ebusuku bangoLwesine.
Lokhu kwenziwa kulandelwa izifiso zikazulu phansi kohlelo olubizwa kuthiwa yi-Initiative 71.
Kuloluhlelo umuntu munye ukhangelelwe ukuvunyelwa ukuba lezihlahla eziyisithupha zembanje endlini kodwa kufanele agcine kuphela ezintathu esezizavuthwa sonke isikhathi. Akulamuntu okumele abheme ezitaladini njalo athengise imbanje.
Ezinye izizalwane zeZimbabwe ezihlala eMelika zithi okwenziwa yiWashington D-C lezinye indawo ezinjenge Colorado kungeke kwenzakale eZimbabwe.
Omunye wabo nguMnu. Mkhululi Ndabambi isizalwane seZimbabwe esihlala e-Indiana eMelika othe okwenzakala elizweni leli kutshengisa ukuthi ayananzwe kakhulu amalungelo kazulu.
Your browser doesn’t support HTML5
Ingxoxo Esiyenze LoMnu. Mkhululi Ndabambi
Siphinde saxoxa loMfundisi Josias Muzenda webandla lenkonzo leMethodist Church eBinga, esabelelweni seMatabeleland North, othe kungeke kulunge nxa kungavunyelwa ukuthi uzulu abheme imbanje eZimbabwe.
Your browser doesn’t support HTML5
Ingxoxo Esiyenze LoMfundisi Josias Mudenda