Abalimi be Netherlands Bakhala Ngemali Yamapulazi

Abalimi be Netherlands abathathelwa amapulazi nguhulumende we Zimbabwe bathi akumelanga iEuropean Union lamazwe ase mpumalanga esule izijeziso zenotho ezafakelwa uMongameli Robert Mugabe labanye bakhe njengoba lelo lizwe lisehluleka ukubhadalela amapulazi abo.

Umnu. Lion Benjamins ongumgcinisihlalo wenhlanganiso yabalimi laba eye Justice Zimbabwe utshele iphephandaba le Netherlands i-de Volkskrant ukuthi sebekhankasela ukuthi ele Zimbabwe lingatholi lezikwelede kunhlanganiso ezinika amazwe imali.

Umnu. Benjamins uthe sebezame ngamandla wonke ukuthi ele Zimbabwe libhadale izigidi ezingamatshumi amathathu amadollar emelika – $30 million.

Inhlanganiso ye International Center for the Settlement of Investment Disputes yakwele Melika yathatha isinqumo ngomnyaka ka 2009 sokuthi kumele ele Zimbabwe libhadale abalimi laba izigidi ezedlula itshumi lamadollar emelika – $11.3 million.

Imali le isiqonge yafika kuzigidi ezingamatshumi amathathu amadollar – $30 million.

Abalimi laba bathi ele Zimbabwe lephula umthetho wokudlelana lamanye amazwe owe Bilaterial Investment Promotion and Protection Agreement.

Umnu. Themba Dlodlo umlimi olodumo we Mbangazitha Farm esabelweni se Matabeleland uthi ele Zimbabwe kalila mali yokubhadala abalimi laba.

Ingxoxo Esiyenze LoMnu. Themba Dlodlo