IMF: Ubudlelwano le Zimbabwe Buqhubekela Phambili

WASHINGTON DC —  Inhlanganiso eboleka amazwe imali eye International Monetary Fund (IMF) ithi isiyekethise ezinye izijeziso zobudlelwano eyazifakela ele Zimbabwe njengoba ilizwe leli likhanya selisebenza layo ngendlela ephucukileyo.

Inhlanganiso le, eyethule umbiko wobudlelwano bayo le Zimbabwe ngolweSibili, ithi ele Zimbabwe litshengisa amadlabuzane ekusebenzeleni ukuguqula umnotho wayo ngokuzama ukubhadala isikwelede esicatshangelwa ukuthi sesifika izigidi ezilikhulu lamatshumi amane zamadollar - $140 million.

Ithi izisebenzi zayo zizaqhubekela phambili zincedisa ele Zimbabwe ngokuhlolisisa ukuthuthuka komnotho.

Lokhu kubikwa kuzathuthukisa ubudlelwano obuphakeme phakathi kwe IMF le Zimbabwe.

Izisebenzi ze IMF zikhangelelwe ukuzancedisa ele Zimbabwe ikakhulu ekuhloleni imithelo, ukusetshenziswa kwemali kazulu, ukuguqula iukusebenza kwebhanga elikhulu lelizwe ele Reserve Bank of Zimbabwe lokunye okutshiyeneyo.

Kodwa inhlanganiso le ithi kayikafiki kusibanga sokubuyela ukuqalisa ukweboleka ele Zimbabwe imali.

Ubudlelwano be IMF le Zimbabwe badilizwa nguhulumende we Zanu PF esabusa eyedwa kungaka bunjwa uhulumende womanyano owehluleka ukubhadala inhlanganiso le izikwelede ngemfanelo.

Unkosikazi Dorcas Sibanda okukhomithi yezenotho kudale lephalamende uthi kuyabukeka okwenziwa yi IMF.

Ingxoxo Esiyenze LoNkosikazi Dorcas Sibanda