Uzulu uthi izwekazi leAfrica lamazwe wonke womhlaba alahlekelwa kakhulu ngokubhubha kukaProfessor Ali Mazrui obhubhe izolo kweleMelika.
Usikhwicamfundo Mazrui, owabhala amabhuku amanengi ngokuthuthuka kwezwekazi leAfrica, ukhangelelwe ukungcwatshwa eMombasa, kwele Kenya ngoMgqibelo.
Wafunda ekolitshini leOxford wafundisa eMakerere University kwele Uganda.
Wasuka engavalelisanga eKenya leUganda ngenxa yokuchothoza umbuso kaMongameli Daniel Arab Moi owayebusa eleKenya ngaleso sikhathi, loMnu. Idi Amini owayengumongameli weUganda.
Ubhubhe eseleminyaka engamatshumi ayisitshiyangalombili lanye – 8.
Omunye wababala kakhulu ingwalo zesikhwicamfundo lesi nguMnu. Brilliant Mhlanga osebenzelena ekolitshi leWestminister eBhilithane othi uzulu wonke kuzwekazi leAfrica lomhlaba wonke jikelele ulahlekelwe yisikhwicamfundo esilomkantsho.