IHighlanders Inqoba iMonomotapa

WASHINGTON DC —  Iqembu lenguqu ele Highlanders Football Club ngoLwesine linqobe ele Monomotapa 5-2 enkundleni ye Rufaro Stadium eHarare emdlalweni we Castle Lager Premier Soccer League.

UMnumzana Khaliphani Ndlovu, omunye walabo abangabanikazi be 'Bosso Live' ebulenjini bokuzilibazisa obe Facebook, uthi iHighlanders idlale okumangalisayo loba nje kusasekhona okumele kulungiswe ukuze iqembu leli lithole isicoco se Premier Soccer League lonyaka.

Uthi loba iqembu le Highlanders linqobe ele Monotapa, kumele kuhlolisiswe abavimba bencedisana lonozinti abangani bayayekethisa amabhola angethusiyo.

Uthi iHighlanders ikhangelelwe ukuzama ngamandla wonke lonyaka ukuthi ingayekeli isicoco lesi sithathwa ngelinye iqembu.

Ingxoxo Esiyenze LoMnu. Khaliphani Ndlovu

Umnu. Kelvin Kaindu umqeqetshi weqembu leli uthi abadlali bakhe batshengisele amadlabuzani amangalisayo baze banqobe iMonomotapa.

Ingxoxo Esiyenze LoMnu. Khaliphani Ndlovu

Kusenjalo, kube ngutshiki lobhanqa -- 2-2 -- komunye umdlalo ofanayo phakathi kweqembu le Trible B le Caps United.