Mzembi: Amahaga Awangena eSave Conservancy Kumele Aphume

WASHINGTON DC —  Umphathintambo wezokwethekelelwa kwelizwe uMnu. Walter Mzembi uthi abantu abalezikhundla eziphezulu kubutho le Zimbabwe National Army-ZNA, kanye leziphathamandla zebandla le Zanu PF abangena ngenkani endaweni egcinelwa izinyamazana zendle eyeSave Valley Conservancy babisela muva ukuvuselela umsebenzi wokulondolozwa kwezemvelo ezithandwa yizethekeli zakwanye amazwe.

UMzembi uthi abantu laba bangene endaweni le elomhlobo wonke wenyamazana zendle ezigcinwe okusemthethweni ngesikhathi esibi njengoba ele Zimbabwe lilungiselela umhlangano omkhulu we United Nations World Tourism Organization General Assembly.

Uthi lokhu kuyayangisa ilizwe loba nje amazwe amanengi esekwazi ukuthi yena ngokwakhe emele uhulumende uphikisana lakho.

Uqhubeke ethi abantu laba abangaba ngamatshumi amathathu lasikhombisa – 37 - abagoqela uMajor-General Gibson Mashingaidze, Major-General Engelbert Rugeje, usibalukhulu wesabelo seMasvingo uMnu. Titus Maluleke labanye bakhe, sikhulumanje babulala inyamazana mahlayana okwtethusayo.

Uthi uzalwisana labo loba kungenza ukuthi azondwe ngabanye bakhe esigabeni seMasvingo.

Umnu. Themba Dlodlo umnikazi we Mbangazitha Farm kwele Matabeleland South uthi kuyayangisa okwenziwa ngabantu laba abangena ngenkani eSave Conservancy.

Ingxoxo Esiyenze LoMnu. Themba Dlodlo