WASHINGTON DC —
IZimbabwe isikhethiwe yinhlanganiso yomhlaba wonke jikelele ebona ngomkhuhlane wetshukela eye International Diabetes Federation ukuthi ivule ezibhedlela ezimbili indawo zokuphathisa abalomkhuhlane lo ababulawa zinyawo.
Umnu. Ngoni Chigwana umqondisi wenhlanganiso ebona ngezomkhuhlane lo eZimbabwe eye Zimbabwe Diabetes Association uthi indawo lezi zizavulwa eHarare Hospital kanye le Parirenyatwa Hospital.
UChigwana uthi inhlanganiso yakhe izabe isebenza kuloluhlelo lohlangothi lukahulumende olubona ngezempilo, ikolitshi ye University of Zimbabwe kanye le International Diabetes Federation. Indawo lezi zikhangelelwe ukuthi zizavulwa ngenyanga ezayo.
Kwele Zimbabwe kulabantu abedlula inkulungwane ezingamakhulu ayisithupha – 600,670 abagula umkhuhlane we diabetes. Kubikwa ukuthi emhlabeni wonke jikelele kulabantu abedlula izigidi engingamakhulu amathathu lamatshumi ayisitshiyangalombili – 382 million – abagula umkhuhlane lo.
Ukuze sihlaziye udaba lolu akesizwe uNkosikazi Angeline Ndlovu osanda kubanjwa umkhuhlane lo exoxa loDokotela Joshua Sibanda abathi umkhuhlane lo uyelapheka.
UNkosikazi Ndlovu uthi amanye amaphilisi okwathiwa awaginye ngamadokotela ayamehlula ngakho-ke uthwele nzima ngokuthi enzeni.
Umnu. Ngoni Chigwana umqondisi wenhlanganiso ebona ngezomkhuhlane lo eZimbabwe eye Zimbabwe Diabetes Association uthi indawo lezi zizavulwa eHarare Hospital kanye le Parirenyatwa Hospital.
UChigwana uthi inhlanganiso yakhe izabe isebenza kuloluhlelo lohlangothi lukahulumende olubona ngezempilo, ikolitshi ye University of Zimbabwe kanye le International Diabetes Federation. Indawo lezi zikhangelelwe ukuthi zizavulwa ngenyanga ezayo.
Kwele Zimbabwe kulabantu abedlula inkulungwane ezingamakhulu ayisithupha – 600,670 abagula umkhuhlane we diabetes. Kubikwa ukuthi emhlabeni wonke jikelele kulabantu abedlula izigidi engingamakhulu amathathu lamatshumi ayisitshiyangalombili – 382 million – abagula umkhuhlane lo.
Ukuze sihlaziye udaba lolu akesizwe uNkosikazi Angeline Ndlovu osanda kubanjwa umkhuhlane lo exoxa loDokotela Joshua Sibanda abathi umkhuhlane lo uyelapheka.
UNkosikazi Ndlovu uthi amanye amaphilisi okwathiwa awaginye ngamadokotela ayamehlula ngakho-ke uthwele nzima ngokuthi enzeni.
Your browser doesn’t support HTML5
Ingxoxo Esiyenze LoNkosikazi Angeline Ndlovu LoDokotela Joshua Sibanda