UTrump uqhubekela phambili esithi waqilwa kukhetho lukamongameli ngesikhathi idale leSupreme Court esabelweni sePennyslvania lisanda kulahla udaba aluphanyeke kulo esithi amavoti awenziwa ngeposo kawakho emthethweni.
UTrump usezame ukuguqula impumela yokhetho lolu ezabelweni ezitshiyeneyo esithi amaDemocrats aqila kukhetho lolu. Kodwa imithethwandaba endaweni ezinengi ithi akulakhetho olwaphekwaphekwa libandla leli.
Kaphumelanga egcekeni ebuzwa ukuba ulakho yini ukuyabona uBiden engena esikhundleni sikamongameli ngoZibandlela. Uthe okwamanje osalwisana lalokhu athi yikwebiwa kokhetho libandla lama Democrats.
Kulabanye abantu eZimbabwe abathi ukuxokozela phakathi kuka Mongameli Donald Trump loMnu. Joseph Biden, okukhanya enqobe kukhetho lukamongameli, kubakhumbuza okwenziwa yiZimbabwe Electoral Commission eyathula okwesikhathi eside ngempumela yokhetho lukamongameli ngomnyaka ka2008.
UMnu. Dan Moyo uthi kuyancomeka okwenziwa nguBiden, okhethe umuntu wokuza ukuba angene kuhlangothi olubona ngendaba zekhaya
UBiden ukhangelelwe ukuthi uzakhetha uMnu. Tony Blinken ukuba ngumphathintambo wohlangothi lukahulumende olubona ngokudlelalana lamanye amazwe.
UTrump uvimba okumangalisayo ukuba uBiden angene esikhundleni sikamongameli. Imithethwandaba isiphosele khatshana amacala angamatshumi amathathu abefakwe yizithunywa zikaTrump emithethwandaba kwezinye izabelo obekuthiwa ukhetho alwenziwanga ngemfanelo.
Okwamanje uBiden ulama Electoral Votes edlula amakhulu amathathu – 306 kuthi uTrump ulangamakhulu amabili lamatshumi amathathu lambili – 232. Lokhu kutsho ukuthi uBiden usethole amavoti afunakalayo ukuze umuntu angene esikhundleni sikamongameli.
Uphenyo olusanda kwenziwa yinkampani yezindaba eyeReuters leIpsos luveza ukuba abakubandla lama Republicans basekela okukhulunywa nguTrump othi wanqoba uBiden kukhetho lukamongameli. Bethula lokhu loba kungelabufakazi obuveza ukuthi ibandla lama Democrats laqilibezela kukhetho lukamongameli.
Abalandela ukhetho lolu abagoqela uNkosikazi Lucia Dube, bathi kuyamangalisa okwenzakala eMelika.
UNkosikazi Lucia Dube, odabuka eZimbabwe ohlala eBhilithane, uthi uzwela unina kaGinimbi ngokwenzakala enkundleni zokuxhumana lapho okulabanye abantu abathi undoda lo wayelomuthi wokuphanda imali.
Umphathintambo kahulumende obona ngokwenzakala koBulawayo, uNkosikazi Judith Ncube, utshele iphephandaba leSunday News ukuthi kuzavalwa ngci nxa umkhuhlane lo umemetheka kakukhu edolobheni leli okulabantu abedlula amatshumi ayisikhombisa – 72 abasanda kuhlolwa batholakala belegciwane leCOVID-19.
Uhlangothi olubona ngendaba zekhaya olweDepartment of Homeland Security luthi ukhetho lukamongameli olusanda kwenziwa lubaluleke okwedlula lonke ukhetho olwaqhutshwa kwele Melika. Lokhu kwethulwe lugatsha lweCybersecurity and Infrastructure Security Agency.
UBiden, osekhethe uMnu. Ron Klain ukuba ngumcebisi wakhe omkhulu, uChief of Staff, uqhubekela phambili elungiselela ukungena esikhundleni sikamongameli.
URawlings, owahluthuna intambo zombuso ngomnyaka ka1979 waphinda njalo ngomnyaka ka1981, wabangela ukubulawa kowayekhokhela ibutho uGeneral Frederick Akuffo labanye bakhe ababemphikisa.
Unqobe uMongameli Donald Trump olukhu esithi ukhetho kaluqhutshwanga ngemfanelo. UBiden uthi uyabazi ubuhlungu bokunqotshwa kukhetho njengalokhu okwehlele uTrump labalandeli bakhe.
“Thina abantu sivote ngobunengi bethu. Lokhu kwedlula okwake kwenziwa ngabanye abavotelwa kukhetho olunje. Ngiyakuthakazelela elikwenzileyo. Ngizafisa ukubona abantu bebambene, belilizwe elilodwa. Ilizwe leMelika limele khonokhu.”
Ozanqoba kukhetho lolu kumele athole ama electoral votes angamakhulu amabili lamatshumi ayisikhombisa – 270.
Sebedlela evalweni abantu kwele Melika kulandela ukuvota kukhetho okungqikilana uMongameli Donald Trump webandla lama Republicans loMnu. Joe Biden, omele ibandla lama Democrats.
Banengi abantu abavota kukhetho lolu okungqikilana uMongameli Donald Trump lowayengumsekeli kamongameli, uMnu. Joe Biden.
Ukwengezelela
